Unha WebQuest Sobre WebQuests
 Versión para sesiones de introducción á metodoloxía WQ

 

Introducción

Desde 1995, profesores de todo o mundo aprenderon a usa-la web a través do formato WebQuest, creando actividades orientadas á investigación. Pero ¿que é exactamente unha WebQuest? ¿Que se sinte ó facer unha? ¿Como se distingue unha boa ó vela? Nos próximos 90 minutos, tratarás de resolver estas cuestións e... moito máis.

A Tarefa

Para desenvolver grandes WebQuest, precisas desenvolver tamén un entendemento polo miúdo das diferentes posibilidades que se abren ó crear actividades basadas na web. Un dos caminos posibles para conseguilo é analizar con espíritu crítico uns cantos exemplos de WebQuest e discutir sobre eles desde múltiples perspectivas. Esta é a túa tarefa neste exercicio.

Ó remate desta actividade, tí e mailo teu grupo contestaredes as seguintes preguntas:

  1. ¿Que dous exemplos de WebQuest de entre os listados máis abaixo parécenvos os mellores? ¿Por que?
  2. ¿Cales parécenvos os peores? ¿Por que?
  3. ¿Que significa mellor e peor para vos?

Recursos

Eiquí están os sitios que analizaredes:

  • ¿Que pasou o día que nacín? - Actividade motivadora para iniciar ós alumnos na procura de información na rede.
  • Web Tour Multicolor. Unha viaxe en favor da tolerancia e o respeto cara outras culturas.
  • Vive e deixa vivir- Cachetes, apodos despectivos, insultos, burlas, desprezo, valeiros... Soedade, illamento, tristeza, rexeitamento... ¿Es víctima ou acosador? ¿Ou so un espectador pasivo que consinte esta situación con tal de que non che toque? ¿Queres facer algo para frear este proceso?  
  • Os Íberos Unha actividade pensada para dar a coñece-la cultura previa á invasión romana.
  • Hacia a Europa do século XXI. Esta webquest está pensado para os alumnos de Bacharelato de Humanidades, especialmente para as asignaturas de Xeografía, Historia do Mundo Contemporáneo e Economía, aínda que tambén pode ser desenvolvido nos Ciclos Formativos Superior e Medio de Administración e Finanzas.

O Proceso

  1. En primeiro lugar, cada participante terá unha copia da folla de traballo. Para contesta-las preguntas propostas máis arriba, formaredes grupos de catro persoas e cada un adoptará un dos seguintes papeis:

    O experto en eficiencia: Valoras moito o tempo. Cres que hoxe en día desperdíciase moito tempo en enfoca-las actividades e que a cotío os alumnos non saben, nun momento dado, que teñen que facer. Para ti unha boa WebQuest é aquela que reparte o tempo exactamente para a actividade. Se é curto, unha actividade pouco ambiciosa que ensina algo ben, gústache. Desde o teu punto de vista, se é longa, sería mellor acadar un coñecemento profundo dos conceptos tratados.

    O colaboracionista: Para ti, a mellor actividade de aprendizaxe é aquela na que os estudiantes traballan xuntos. As WebQuests que forcen o traballo en grupo e xeneren a necesidade dunha discusión e un consenso son as mellores desde a túa perspectiva. Non te interesan aquelas WebQuest que poderían ser afrontadas por un único alumno.

    O esixente: Para ti o é todo a actividad intelectual de alto nivel. Hoxe por hoxe dase demasiada importancia ós procedementos e as actitudes. A única xustificación para que a tecnoloxía entre nas aulas é poñer é disposición dos alumnos a posibilidad de analizar información, sintetizar múltiples perspectivas e tomar unha postura intelixente sobre algo. Tamén valoras positivamente os sitios que favorecen a expresividade creativa dos estudiantes.

    O tecnófilo: Adoras Internet. A mellor WebQuest para ti é a que saca o maior partido das tecnoloxías asociadas á Web. Se un WebQuest ten cores atractivas, gifs animados e unha chea de ligazóns a sitios interesantes, encántache. Se fai un uso mínimo da Web, a folla de traballo non te chegará a nada.
  2. Individualmente, examinarás cada un dos sitios da lista de recursos e usarás a folla de traballo para anota-las opinións que che merezan, sempre desde a perspectiva do teu papel. precisarás examinar cada sitio arreo. Non perdas máis de 10 minutos en cada un.
  3. Cando cada un do grupo teña visto tódolos sitios será o momento de se xuntar para contestar conxuntamente as preguntas. Unha posibilidad para facelo sería que cada membro do grupo dixera cales son os dous mellores e os dous peores desde a súa perspectiva. Poñede atención ás demáis perspectivas, sobre todo se non estades de acordo.
  4. Probablemente non haberá un acordo unánime, así que o seguinte paso será acadar entre todos un consenso sobre cales son para o grupo os dous mellores e os dous peores. Xuntade as vosas perspectivas e mirade se poderíades chegar a un acordo sobre cal é o mellor para os estudiantes.
  5. Unha persoa de cada grupo redactará nun documento sinxelo as reflexions do grupo.
  6. Finalmente, utilizade este documento para comunicar os vosos resultados ó resto da clase. ¿Credes que os outros grupos estarían de acordo con esas mesmas conclusións?

Conclusión

Nun caso ideal, iste exercicio terá proporcionado unha boa cantidade de ideas para face-la túa propia aventura na web. A mellor WebQuest está por deseñar:

¡Pode se-la túa!

Escrito por Bernie Dodge. Última actualización 29 Abril, 2001

Traducido e adaptado á versión en galego por Carlos de Paz para BioXeo.com